Electric Angel

我也應同Fiona是一個索女。你咪你點解。

「索」字，一被我們偉大的廣東話用一用，即刻繪影繪聲地將一個女子令一個/一眾男子「眼金金」﹑「鑼鑼攣」﹑「心癢癢」﹑「就算唔靚但吸引」﹑「就算身材平平但好好睇」水蛇春咁長既感覺濃縮為一個字，多麼的方便呢!

現在Fiona為索字加多一句註釋︰「就算唔知歌詞唱咩都覺得佢唱得好好呀」。

請各位喜愛Fiona的撫心自問，如果唔睇歌詞，你知唔知fifi唱乜呢?以「糖不甩」為例吧! 括號內是本人少少感受。

糖不甩
曲 / 編：方大同　詞：周耀輝　
監製：崔炎德 / EVI YANG

看看床前　看看月兒　我面前世界極甜
我突然愛上某些中國詩意
如糖水的雪耳　很古老的細緻
要我們也能有些中國詩意
(ok明白)

來重頭愛一次　來懷舊愛一次　
(「重頭愛一次」明，「懷舊愛一次」唔明，聯想到筷子姊妹花同梁家輝跳茶舞)
以湯丸包了萬語千言　以湯羹端上萬年好意

情易散　糖不甩　誰是幸福的愛人
(是排比句，情對糖，易對不，散對甩)
雲在天　甜在心　會唸辛棄疾　
(想是排比句，雲想對甜，在想對在，天想對心)
很想哼出三生註定的音韻
(辛棄疾說應該比較稀虛，冇咁甜)
緣易變　糖不甩　誰又認真的愛人
林在山　甜在心　要像鴛鴦戲水的陪襯
(唔明咩叫「鴛鴦戲水的陪襯」，係咪解好似望住人地鴛鴦戲水)
我會給　紅豆吻　你耍雙截棍
(比紅豆咀了一淡?糖不甩入面無紅豆嫁!又為什麼戲水完要耍雙截棍?)

樹葉綠　地會知　願望　願你知　愛得似一首唐詩
(愛得似一首唐詩通常都好苦嫁播)
誰和誰候在今天　享受萬世的糕點　
(「侯在今天」是解作今天在等候糖不甩似的愛情?)
看看床前　看看月兒　甜像拔絲

來重頭愛一次　來懷舊愛一次　
以湯丸包了萬語千言　以湯羹端上萬年好意
(好新年呀, happy new year!!)

耍向東　想有溫柔似東方　
(耍什麼向東? 耍雙截棍嗎? 耍雙截棍會溫柔嗎?)
耍向西　都有思念到東方　
(耍什麼向西? 在西方耍雙截棍回憶起在東方耍雙截棍嗎?)
浪漫時就從唐朝轉入糖街　春風滿天
(唐朝在廣東道，如何轉入銅鑼灣的糖街?)
男孩叫我心甜　我不敢去猜七重天意
(七重天意咁強?)
願愛到一千闕美麗唐詩
(與陳曉東的「一萬年」異曲同功)